„Dat groote Bibel-Billerbook up Platt“

Pressemitteilung 06. März 2007

An 12. März ward de nee Kinnerbibel in Hannover präsenteert

Dat hett´t noch nooit geven in de Hannoversche Landeskark Hannovers: Een Bibel för Kinner up Platt. Nu liggt dat vör, dat Bibel-Billerbook.

Wat köönt ji dor in finnen? 27 Geschichten up Platt ut´t Oole un Neeje Testament. Kees de Kort, de bekannte Maler ut Holland, gifft mit over 300 Biller de Geschichten de rechte Klör.

Of du 60 büst of 6, dat is netgliek: De ganze Familie kann sük an dat Book freien. Mennig een mag ok nee Indrücken van de Geschichten ut d’ Bibel sammeln - de plattdüütsche Text is „mit Oogen un Hannen to griepen“. Disse Spraak hett´n Bült Biller, van Gott to vertellen – dat liggt in hör Wesen.

Veel Spenders hebbt hulpen, de Kinnerbibel to veröffentlichen. Ok de Niedersächsische Sporkassenstiftung un de Klosterkammer Hannover weern dor mit bi.

Wat to dat Book anners to seggen is:
Christians-Albrecht, Anita (Hg.): Dat groote Bibel-Billerbook up Platt: All Geschichten ut de Rieg “Wat uns de Bibel vertellt” up Plattdüütsch/ maalt van Kees de Kort. Överdraagen up de Grundlage van de Text van Hellmut Haug, Ausgabe der Deutschen Bibelgesellschaft, Stuttgart, van Anita Christians-Albrecht und Wilko Burgwal. Burgdorf 2007. 22 €

Wo du dat Book kriegen kannst:
Bit d’ Arbeitsgemeinschaft Plattdüütsch in de Kark,
anita.christians-albrecht@t-online.de


Hannover, 6.3.2007 – Pressestelle van de Landeskark